فوق راي
هناء إبراهيم
شغلتك فارغة
اللاعب الأساسي في منتخب المشاكل ودوري الإنفعال السريع هو عدم الشغلة..
والله جد…
تجد مشكلة كبيرة عريضة لها إيقاع وأصوات في الشارع والناس حولها كمشجعي الهلال والريال (اللعلعة فوق والكواريك وحنان جوطة) وربما وصل الأمر حد الإشتباك والعنف وتطورت المشكلة من شخصين إلى قوم…. تعال إلى حيثيات الموضوع (يا جماعة بسم الله.. الحاصل شنو) سوف تكتشف أن السبب عدم شغلة بس…
والله جد..
معظم العادات السيئة والسالبة أتت في الأصل من شوارع الفراغ وعدم الشغلة..
عديم الشغلة مع عديم الشغلة مشكلة… بينما المشكلة الأكبر عديم الشغلة مع مشغول..
والله جد..
مشغول في أمور مهمة وحاسمة يتصل عليك عديم شغلة 15 مكالمة تحسب أن هناك حالة طوارئ فتجده يقول: (عليك الله رايك شنو في الردم الفي القروب دا؟!
قروب شنو؟!
المزيد من المشاركات
بتبالغ ياخ.. ما تقول لي ما متابع شكلة الموسم…. محاسن وتغريد موقفات الواتساب خطوط زرقاء تميل إلى الأحمر.. وانت تقول لي ردم شنو وقروب شنو…
اتفرجتوا؟!
اينما وجد عدم الشغلة دارت عجلة المشاكل بسهولة ويسر…
وطبعا في مشاكل بتجيك براها في محلك… عليك أن تتحمل وتتعافى وتتنفض وتقوم تشتغل…
وهسه شربنا الشاي….
على صعيد متصل الما ادبتو الحرب دي ما بتأدب تاني… عشان تطلع من الحرب دي احسن وتتعافى بعد كل الحصل دا فتش النسخة الاحسن والافضل منك… لبلدك وليك واشتغل صح وكن بخير… اعرف انو كلو لخير إن شاء الله… وح يتعافى السودان قريب إن شاء الله ونتعافى بيهو وفيهو…
للمشاكل أسباب كثيرة ولكن قمت هنا بتشريح سطحي للفراغ كنجم المنتخب وكسبب حلال
الكائن دا قول لي شغلتك فارغة
و……
كلموه… ألموه.. علموه الإنفعال
لدواع في بالي
