متابعات : سودانيون ميديا
المزيد من المشاركات
كتب شاعر الروائع عبدالعال السيد قصيدة جديدة تحمل الكثير من المعاني الجميلة والاحاسيس الصادقة يقول فيها :
لو حصل فاتك شبابك
ببقى مطره على ترابك
وأبقى شجره تلملم
الطير في المواسم
وسيف سنين للعزه
للعادونا قاسم
وتصبح الخرطوم جميله
وقبله لي كل العواصم
ونجري نحنا تملي
في وكت العصاري
نبني للأطفال ملاعب
في الميادين والحواري
ونبقى معلم للي قاطع
الليل وساري
وغنوه للناس
المسافرين باللواري
وفي جبين أطفالنا عزه
وللبريدو النيل معزه
وبرضو نحنا نغني تاني
في المطارات والمواني
بالتواشيح والأغاني
ونلقى شعبك كله ضاحك
زيك إنتي
وزي ترابك
وزي صباحك! .
