بورتسودان: سودانيون
هاجمت الفنانة السودانية المعروفة إنصاف فتحي، بعض من ينتقدون الفنانين ويتهمونهم بالخيانة، وأكدت أن الفنانين أكثر شرائح المجتمع حباً للوطن.
ودافعت انصاف في منشور على صفحتها بـ(فيسبوك)، عن زميلها الفنان عاصم البنا، الذي تعرض لهجوم كبير عقب تسريب محادثة بينه وبين القائد بمليشيا الدعم السريع ابو عاقلة كيكل.
وقالت انصاف فتحي في منشورها: “واحدة من إفرازات الحرب السيئة إنها شهرت ناس كتار ما كان حيشتهرو إلا في بيئة زي بيئة الحرب 🥲 هذه البيئة القاسية اللي علشان تشتهر فيها لازم تخون غيرك وتصنف نفسك إنك الأكثر وطنية والأكثر حبا للسودان
المزيد من المشاركات
في شافع كدا من الشفع اللي شهرتهم الحرب وهو ما شافع بيولوجيا لكنه شافع على المستوى الفكري واللغوي وحجم الثبات الإنفعالي تجاه الشهرة الحديثة اللي لقاها
المهم الشافع دا لا يجيد سوى تخوين الفنانين والمزايدة على افعالهم وعاوز يبني شهرته على أكتاف الفنانين”.
وأضافت: “الفنانين ديل اكثر شرايح المجتمع حبا للوطن لأن الوطن عند الفنان مرتبط بالجمال المطلق إبتداءا من الوطن في الأغنيات ( وطن المحبة والتسامح ) مرورا بوطن الشهرة والناس اللي بتحبه
ما حتجي انت كزول اشتهر في زمن كعب زي زمن الحرب دا تعلم ليك فنان ليهو قرابة التلتين سنة بغني (في الفؤاد ترعاه العناية بين ضلوعي الوطن العزيز ) وبغني (كل أجزاءه لنا وطن) ونقطة آخر السطر”.
