إذا جيت ماري بي جاي ف انت معزوم نفسيات وشاي نازحين في بيت بت أبو صلاح ال خالها كرومة التي خطفت قلب وردي منذ أن كان طفلاً وعندما كبر عقدوا…
الشهود حينئذ جمال وفن وإدهاش وتوزيع خاص
والمهر (حياتي ونعمتي ويسري)
بينما (روايحي وفاكهتي وخمري) مؤخر صداق
اما النفسيات فتتمثل في المنطقة الوسطى بين الحتة الكانت بتوديك ليها الأغنية دي زمان وانت في امن وامان وبين الحته البتوديك ليها الان حين حدث ما حدث….
عشان تعرفوا (الدندويد) ديل ضربونا وين…
وإذا عندك ضغط أو سكري أو قلب ما تقرأ … كلمتك انا
المزيد من المشاركات
أقسم حينىذ بمحيها الفتان الساطع وكتب بنور وشها ذاتو وقال:
قسم بي محيك البدري
غرامك منو ضاق صدري
حبيبي البي العلي تدري
حيث أنه بحاجة إلى توسيع رحم محبته حتى يستوعب هذا الغرام (الذهبي) المحتشد والمحشود …
(المحي نور ليلة القدري)
النور البطمن قلبك داك …تقول لي انوار المس يرات والدان ات
(نصب قوس حاجبو لي قدري)
كمين اسطوري
إرتكاز ناس عيون لاقن قلب معيون
قوس حاجبها يعادل بعملة الأيام دي م دفع ٤٠ دليل
(معاك من داخل الخدري
فؤادي المالكو من بدري
حبيبي البي العلي تدري)
كل القوة مدني جوووة
هنا طبعاً فؤادو ما سقط… الموضوع إتحاد قلبين بالمحبة ومذهب الريدة وفصولو
والله جد…
(حياتي ونعمتي ويسري
رضيت لو يرضى بي أسري)
معتقل v.i.p
اسر تتمناهو لي أحبابك
اسر السرور
اسر 7 نجوم
جايببن ليهم نانسي عجرم وكرومه وفنان صاعد من المستقبل
انت قايلن معتقلات (الدندويد)
(فرض يا دموعي تنتثري
إذا منو النسيم يسري)
طبيعي تنتثر
النسيم هنا زي تح رير جبل موية
اما اذا جات هي شخصياً فالأمر يشبه تح رير مدني والخرطوم ونيالا والجنينة والضعين وكل اجزائه لنا وطن…
(حمام الأيك والقمري
يصيح ينبيك عن أمري)
ديل طبعا ( مخ ابرات) انت قايل الحمام دا حايم ساي والطير دا بزوزي عدم شغلة…؟!
ابدا… ديل مخ ابرات
( يصيح) رسائل مشفرة
(وبين عواسلك السمري
روايحي وفاكهتي وخمري)
أظنها ساعة النصر…
والناس راجعة بيوتا والقلب في الفرح السابع وتلاقي جميل وحي على الفلاح
(قبالك وين اجد فكري
ومصافحة اليمين سكري)
يدو لمن تسلم عليها بتبقى طابور خامس طوالي… إذا انه مكسر .. مدفوع ليهو روحياً
(في بالك هل يمر ذكري
وأمامك شكوتي وشكري)
دا ما حص ار نصاح
بعدين لا مشوا ( لينيا لا لوعندا لا دنيف) شكوتهم وشكرهم كلو قدام شعب عينيك المصون … في ارض المحبة في ربوع الريد
(صحيح يا جروحي لا تبري
هواك برضاي ما جبري)
مستنفر عشق….
متيقن انو من مصاب زي دا بطلع اقوي وافضل بحول الله … بطلع بي دكتوراة في حبك ونبضو بقول ( اريتك تبقى طيب انت انا البي كلو هين)
الحبيب الم تمرد على اشواق الناس النازحين…
(بسيمات فاهك التبري
يا جميل كم قللت صبري)
الحالة دي بسيمات مصغرة ساي…
البسيمات هنا شغالة ت دوين بي دوام كامل… ليس تدوي نا عشوائيا دي مس يرات قاصدة إحداث يات قلبك شخصياً…
الروح بالملي…
(أخاف يحسدني فيك دهري
ويحرسك سري عن جهري
حرس قوس عاجبك الدهري
جويهرات خدك الزهري)
دا إلا يترجمو ليك جهاز الم خابرات الشجني…
فكرنا هنا عامل انسحاب تكتيكي
وهسه شربنا الشاي
دي طبعاً أبوصلاح لو قراها (بموت تاني)
المصطلحات زي ما كانت بتجي جنبك
باكر يتعافي السودان بحول الله العدل الكريم ونتعافى ونطيب
و…….
اراك وتوفي بي نذري
لدواع في بالي
#راجعين
#قسم_بمحيك_البدري
#ابوصلاح #كرومه #وردي
